Home » आर्थिक » घरगोठ जल्दा दश लाखको क्षति

घरगोठ जल्दा दश लाखको क्षति

Share on Facebook0Share on Google+0Tweet about this on Twitter0Share on LinkedIn0

कपिलवस्तु, पुस २८
कपिलवस्तुमा दुई छुट्टा–छुट्टै ठाउँमा बिहीबार घर, गोठ जलेर नष्ट हुँदा रु दश लाखभन्दा बढीको क्षति भएको छ ।

यहाँको विजयनगर गाउँपालिका-६, छुटपारी बस्ने हस्तरी विकको गोठमा बिहान गाईवस्तुलाई तातो बनाउनका लागि बालिएको आगो एक्कासि गोठमा सल्किदा फुसले छाएको कच्ची गोठ, गोठमा रहेका १३ बाख्रा, एक गोरु, आठ कुखुरा जलेर नष्ट भएका छन् ।

साथै, चारवटा गाई-गोरुसमेत जलेर घाइते भएका छन् । विकको घर, गोठ र चौपाया जलेर नष्ट हुदा पाँच लाख दुई हजारभन्दा बढीको क्षति भएको प्रहरी निरीक्षक खिमबहादुर घर्तीले जानकारी दिनुभयो ।

यस्तै, शिवराज नगरपालिका-३, मधवाका रामप्रसाद विकको गोठमा दिउँसो आगो ताप्न बालेको आगो अचानक फुसले छाएको गोठमा सल्किदा फुसले छाएको दुईतले घर र गोठ जलेर नष्ट भएको छ ।

गोठमा भएका एक गोरु र पाँचवटा बाख्रा पनि जलेर मरेका छन् भने एक गाई जलेर घाइते भएको छ । आगलागीबाट घरगोठ, अन्नपात, कत्ताकपडा, चौपाया जलेर नष्ट हुँदा पाँच लाखभन्दा बढीको क्षति भएको प्रहरीले जनाएको छ ।

दुवै स्थानको आगो प्रहरी र स्थानीय बासिन्दाको सहयोगमा नियन्त्रणमा आएको थियो । आगलागीबाट कुनै मानवीय क्षति भने भएको छैन ।

Share on Facebook0Share on Google+0Tweet about this on Twitter0Share on LinkedIn0

प्रतिक्रिया