Home » प्रवास » कतारमा मृत्युदण्ड पाएका चौधरीलाई निर्दोश सावित गर्न पहल

कतारमा मृत्युदण्ड पाएका चौधरीलाई निर्दोश सावित गर्न पहल

Share on Facebook0Share on Google+0Tweet about this on Twitter0Share on LinkedIn0

काठमाडौं, जेठ २२
कतारमा कतारी नागरिकको हत्या अभियोगमा मृत्यु दण्ड सुनाइएका नेपालीको प्रतिरक्षाका लागि नेपालबाट पहल सरु भएको छ ।

हत्या अभियोगमा मृत्युदण्ड पाएका महोत्तरीको औरहीका अनिल चौधरीलाई निर्दोश सावित गर्न कतारस्थित नेपाली दुताबासले पहल थालेको हो । दुतावासले चौधरी निर्दोष रहेको जिकिर गर्दै त्यहाँको सर्वोच्च अदालतमा पुनरावेदन गरेको छ ।

कतारको अपराधसम्बन्धी तल्लो अदालतले अनिलले कतारी नागरिक उमैर मोहम्मद उमैर अल रामजानी अल नायुमीको हत्या गरेको पुष्टि गर्दै मृत्युदण्डको फैसला सुनाएपछि त्यहाँको सर्वोच्च अदालतमा पुनरावेदन गरिएको दुतावासले जनाएको छ ।

परराष्ट्र मन्त्रालयले अनिलको पक्षबाट मुद्दा लड्न आवश्यक पर्ने रकम तत्काल कतार पठाउन वैदेशिक रोजगार प्रवद्र्धन बोर्ड र श्रम मन्त्रालयलाई आग्रह गरेको छ । चौधरी कतारको एक कार कम्पनीमा साधारण मजदुरका रुपमा काम गरिरहेका थिए ।

Share on Facebook0Share on Google+0Tweet about this on Twitter0Share on LinkedIn0

प्रतिक्रिया