Home » देश » उल्टै सरकारविरुद्ध उत्रे निर्माण व्यवसायी, राणा शासकको संज्ञा

उल्टै सरकारविरुद्ध उत्रे निर्माण व्यवसायी, राणा शासकको संज्ञा

Share on Facebook14Share on Google+0Tweet about this on Twitter0Share on LinkedIn0

धनगढी, जेठ ३०
सरकारले निर्माण कार्यमा ढिलासुस्ती गर्ने निर्माण व्यवसायहरुलाई कारबाही गर्ने पहल चालेपछि सात नम्बर प्रदेशका निर्माण व्यवसायीहरु त्यसको विरुद्धमा उत्रेका छन् ।

धनगढीमा पत्रकार सम्मेलनको आयोजना गर्दै निर्माण व्यवसायीहरुले सरकारले राणाकालिन शैली अपनाएर निर्माण व्यवसायीमाथि धरपकड सुरु गरेको आरोप लगाए ।

सो अवसरमा बोल्दै नेपाल निर्माण व्यवसायी महासंघका केन्द्रीय सदस्य चक्र शाहले निर्माण कार्य समयमै सम्पन्न नहुनुमा निर्माण व्यवसायीको मात्रै कमजोरी नभएको बताए । उनले निर्माणका काममा ७५ प्रतिशत सरकार नै जिम्मेवारी रहेकाले त्यसमा बढी सरकार नै दोषि भएको आरोप लगाए । ‘दोष जति निर्माण व्यवसायीमाथि मात्रै थुपारेरको छ’ उनले भने, ‘निर्माण कार्य समयमै सम्पन्न नहुनुमा सरकार नै बढी जिम्मेवार रहेको छ ।’

निर्माण व्यवसायी महासंघ प्रदेश सातका अध्यक्ष मदन कुँवरले सरकारले निर्माण व्यवसायीमाथि गरेको धरपकड निन्दनीय भएको बताए । उनले सरकारले गरेको यो कार्य कानुनसंगतसमेत नभएको बताए । उनीहरुले जानकारी अभावमा पत्रकारहरुले पनि निर्माण व्यवसायीविरुद्ध नै कलम चलाएको आरोपसमेत लगाए ।

काम नगर्नेलाई कारबाही नै हुन्छ
निर्माण व्यवसायीले सरकारलाई नै आरोप लगाइरहेका बेला गृहमन्त्रालयको निर्देशनमा जिल्ला प्रशासन कार्यालय कैलालीले भने काममा ढिलासुस्ती गर्नेलाई कारबाही हुने बताएको छ ।

समयमै काम सम्पन्न नगर्ने ठेकेदारहरुलाई कारबाहीको दायरामा ल्याउन जिल्ला प्रशासन कार्यालय कैलाली सक्रिय भएको छ ।

निश्चित अवधिमा योजनाको सम्पूर्ण काम नगरेर योजना निर्माणमा ढिलाइ गर्ने ठेकेदारहरुलाई कारबाहीको दायरामा ल्याउन प्रशासनले सक्रियता देखाएको हो ।

काम नगर्ने ठेकेदारको नामावलि गृह मन्त्रालयमा पठाइसकेपछि मन्त्रालयकै निर्देशनमा प्रशासनले कारबाही गर्न ठेकेदारहरुलाई खोजिरहेको कैलालीका प्रमुख जिल्ला अधिकारी ऋषिराम तिवारीले बताए ।

Share on Facebook14Share on Google+0Tweet about this on Twitter0Share on LinkedIn0

प्रतिक्रिया