दमकमा मुक्तिनाथ विकाश बैँकको शाखा विस्तार



झापा, साउन २४

मुक्तिनाथ विकास बैंकले झापाको दमकमा आफ्नो शाखा विस्तार गरेको छ । दमक शाखाको आज एक कार्यक्रमकाबीच उद्घाटन गरिएको छ ।

दमक नगरपालिका ५ पाथीभरा होटलसंगैको घरमा बैंकको शाखा स्थापना गरिएको छ । बैंकको उद्घाटन नगर प्रमुख रोमनाथ ओलीले गर्नुभयो । २०६३ सालमा स्याङजा जिल्लामा तीन जिल्ले बैंकको रुपमा स्थापना भएको मुक्तिनाथ विकास बैंकले एक दशकको अन्तरालमा राष्ट्रिय स्तरको बैंकको मान्यता पाउन सफल भएको छ । उद्घाटन कार्यक्रमको अध्यक्षता गरेका बैंकका प्रमुख कार्यकारी अधिकृत प्रधुमन पोखरेलले बैंकको अवस्थाबारे स्पष्ट पार्नुभएको थियो ।

झापामा मुक्तिनाथ विकास बैंकको शाखा दमकमा पहिलो हो । केही समयपछि बिर्तामोडमा पनि शाखा स्थापना गर्न लागेको दमक शाखाका मेनेजर दिनेश लुइँटेलले बताउनुभयो । बैंकको दुई अर्ब ५९ करोड चुक्ता पूँजी रहेको पोखरेलले बताउनुभयो । उहाँले बैंकसँग गत आर्थिक बर्षको अन्त्यसम्ममा ३० अर्ब ३५ करोड रुपैयाँ निक्षेप रहेको बताउनुभयो ।

बैंक उद्घाटन सत्रमा व्यवसायी प्रकाश प्रसाई, मानव अधिकार संगठनका जिल्ला अध्यक्ष डिल्ली भट्टराई, वडाध्यक्ष इन्द्र गुरुङ्ग, दमक उद्योग वाणिज्य संघका अध्यक्ष राजेन्द्र ढकाल, नगर प्रमुख तथा कार्यक्रमका प्रमुख अतिथि रोमनाथ ओलीले बैंकलाई दमकमा व्यवसायीक सफलताको शुभकामना व्यक्त गर्नुभयो ।

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
फोन : ०१-४१०७६६६
संस्थापक/ प्रधान–सम्पादक : ध्रुव सुवेदी
© 2018 Deshko News