कैलालीमा बलात्कार गरेको आरोपमा एकजना पक्राउ
धनगढी,चैत २१
बलात्कारको आरोपमा प्रहरीले कैलालीको घोडाघोडी नगरपालिका–९ का एक युवकलाई पक्राउ गरेको छ । २१ वर्षीया युवतीलाई बलात्कार गरेको आरोपमा २४ वर्षीय भुवन राउतलाई इलाका प्रहरी कार्यालय सुखडले पक्राउ गरेको हो ।
चैत २० गते राति करिब १ बजे घरमा सुतिरहेको अवस्थामा रावतले आफूलाई जबर्जस्तीकरणी गरेको भन्दै युवतीले जाहेरी दिएकी थिइन् ।
इलाका प्रहरी कार्यालय सुखडका प्रमुख हरिशरण भट्टका अनुसार युवतीले जाहेरी दिएसँगै रावतलाई पक्राउ गरिएको हो । घटनाबारे थप अनुसन्धान भइरहेको उनले बताए ।
प्रकाशित मिति: २१ चैत्र २०७६, शुक्रबार