सिरहामा प्रहरी र स्थानीयबीच झडप, २३ राउण्ड फायर



सिरहा, बैशाख २
सिरहामा प्रहरी र स्थानीयबीच झडप भएकाे छ। सिरहा नगरपालिका १७ पटेर्वा गाउँमा सोमबार राती लकडाउन निगरानी गर्दै गस्तीमा खटिएका प्रहरी टोली र स्थानीयबीच झडप भएको हाे ।

झडपलाई नियन्त्रणमा लिन प्रहरीले २३ राउण्ड हवाइ फायर गरेका छन् । १४ जना स्थानीयलाई नियन्त्रणमा लिएका छन् । त्यसमा ५ प्रहरी र केही स्थानीय घाइते भएका छन् ।

जिल्ला प्रहरी कार्यालय सिरहाका प्रमुख एसपी उमाप्रसाद चतुर्वेदीका अनुसार सिरहा प्रहरी प्रवक्ता तथा डिएसपी विनोद घिमिरे सहितका टोली लकडाउन उल्लंन भएको-नभएको हेर्दै ड्युटीमा खटिएका थिए । पटेर्वा गाउँमा स्थानीयको भीडभाड हटाउने क्रममा प्रहरीसँग विवाद सुरु भई झडप भएको थियो । अहिले स्थिति समान्य बनेको उनले बताए ।

स्थानीयको ढुगांमुढाबाट प्रहरीको गाडीमा पनि क्षति पुगेको एसपी चतुर्वेदीले जानकारी गराए । घटनाबारे थप छानबिन भइरहेको उनले सुनाए । घाइतेलाई जिल्ला अस्पताल सिरहामा उपचार गरिएको प्रहरीले जनाएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News