कोरोनाबाट २ लाख ७५ हजारको मृत्यु, ४० लाख संक्रमित




काठमाडौं, वैशाख २७
कोरोना भाइरसका कारण मृत्यु हुनेको संख्या २ लाख ७४ हजार ४ सय नाघेको छ । अहिलेसम्म यो भाइरसका कारण ३९ लाख ८२ हजार संक्रमित भएका छन् ।

संक्रमितमध्ये करिब १३ लाख ७३ हजार जना निको भएका छन् । उपचाररत करिब २३ लाख ३५ हजारमध्ये करिब ४८ हजार ५ सयको अवस्था भने चिन्ताजनक छ ।

कोरोनाले सबैभन्दा धेरै अमेरिकाका नागरिकको मृत्यु भएको छ भने संक्रमण पनि अमेरिकामा नै धेरै फैलिएको छ ।

अमेरिकामा कोरोना भाइरस संक्रमणबाट मृत्यु हुनेको संख्या शनिवार विहानसम्मको रिपोर्टअनुसार ७७ हजार ९ सय पुगेको छ । त्यस्तै त्यहाँ भाइरसबाट संक्रमित हुनेहरुको संख्या १३ लाख ८ हजार ७ सय पुगेको छ ।

शुक्रबार मात्र अमेरिकामा ९ सय ७६ जनाको मृत्यु भएको छ । बेलायतमा मृत्यु हुनेको संख्या ३१ हजार २ सय ४१ पुगेको छ । संक्रमितको संख्या २ लाख ११ हजार नाघेको छ ।

कोरोनाको उद्गमस्थल चिनमा ८२ हजार ८ सय ८६ जना संक्रमित भएका छन । तर त्यहाँ ७७ हजार ९ सय ८३ जना उपचारपछि निको भइसकेका छन् ।

चीनको वुहानबाट सुरु भएको यो महामारीको असर पछिल्लो समय युरोपमा बढी देखिएको छ । शुुुक्ररबार इटालीमा २ सय ४३ जनाको मृत्यु भएको छ भने स्पेनमा २ सय २९ जनाको मृत्यु भएको छ । योसहित इटालीमा मर्नेको संख्या ३० हजार २ सय १ पुगेको छ भने स्पेनमा २६ हजार ३ सय पुगेको छ ।

फ्रान्समा २६ हजार २ सयभन्दा बढिको मृत्यु भइसकेको छ । फ्रान्समा १ लाख ७४ हजार ८ सय संक्रमित छन् । छिमेकी मुलुक भारतमा पनि मृत्यु हुनेको संख्या १ हजार ९ सय ८५ जना पुगिसकेको छ । भारतमा संक्रमितको संख्या ५९ हजार ६ सय नाघेको छ ।

बेल्जियममा पनि मृत्युको संख्या ह्वात्तै बढेको छ । जहाँ ८ हजार ५ सय भन्दा धेरैको मृत्यु भइसकेको छ । यस्तै जर्मनीमा १ लाख ७० हजार संक्रमित हुनुका साथै ७ हजार ४ सय भन्दा धेरैको मृत्यु भएको छ ।

इरानमा १ लाख ४ हजार ६ सय ९१ संक्रमित छन् । साथै ६ हजार ५ सय ४१ को मृत्यु भएको छ । रुसमा पनि १ लाख ८८ हजार जना संक्रमित भइसकेका छन् भने १ हजार ७ सय २३ को मृत्यु भएको छ ।

चिनको वुहान सहरमा पहिलोपटक देखिएको कोरोना अहिले विश्वभरका २ सय १२ देशमा फैलिएको छ ।

प्रतिक्रिया दिनुहोस्

 

 

           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News