खुकुरी प्रहार गरि कान्छी श्रीमतीको हत्या

• 

भरतपुर, वैशाख २८
चितवनको खैहरनीका एक पुरुषले आफ्नै श्रीमतीको हत्या गरेका छन्। खैरहनी नगरपालिका–९ सिमलटाँडीका ४२ वर्षीय कृष्णप्रसाद अधिकारीले श्रीमती ३४ वर्षीया मञ्जु अधिकारीको खुकुरी प्रहार गरि हत्या गरेका हुन् ।

घरायसी विवादका कारण शनिबार राति १० बजे खुकुरी प्रहार गरी कृष्णप्रसादले श्रीमतीको हत्या गरेको चितवन प्रहरीका प्रवक्ता एसपी एकनारायण कोइरालले जानकारी दिए।

प्रहरीका अनुसार उनका दुई श्रीमती थिए । दुई श्रीमतीमध्ये हत्या गरिएकी श्रीमती कान्छी हुन् । प्रहरीले कृष्णप्रसादलाई राति नै नियन्त्रणमा लिएर अनुसन्धान भइरहेको जनाएको छ ।