काठमाडौं, बैशाख ३०
विवेकशील नेपाली पार्टीकी नेतृ रञ्जु दर्शना पक्राउ परेकी छिन्। उनीसहित आधा दर्जन युवालाई प्रहरीले माइतीघर मण्डलाबाट पक्राउ गरेको हाे ।

लिपुलेकमा नेपाली भूमि अतिक्रमणको विरोध गर्न उनको नेतृत्वमा युवाहरु केही पम्प्लेटसहित जम्मा भएका थिए । तर नाराबाजी गर्न नपाउँदै प्रहरीले सबैलाई पक्राउ गरेर महेन्द्र पुलिस क्लवमा ल्याएको नेतृ दर्शनाले बताइन् ।

‘हामी ५–६ जना त्यहाँ पुग्नासाथ प्रहरीले धरपकड गर्यो र यहाँ ल्यायो,’ उनले भनिन् । आफूहरुले त्यहाँ सामाजिक दुरी कायम गर्दै प्रदर्शन गर्ने तयारी गर्दा पनि प्रहरीले धरपकड गरेकाे उनकाे भनाइ छ।

प्रकाशित मिति: ३० बैशाख २०७७, मंगलबार