कोरोनाबाट मृत्यु भएकी महिलाको शव विद्युतीय शवदाहबाट जलाइयो

काठमाडौं, जेठ ३
कोरोना संक्रमणबाट मृत्यु भएकी महिलाको राति पशुपति आर्यघाटमा दाहसंस्कार गरिएको छ।

कोरोनाबाट नेपालमा पहिलो मृत्यु भएकी सिन्धुपाल्चोककी २९ वर्षीया महिलाको आजै धुलिखेल अस्पतालमा मृत्यु भएको हो ।

उनको विद्युतीय शवदाहमा शव जलाइएको सुरक्षास्रोतले जनाएको छ । मृतक महिलाको शव एम्बुलेन्समार्फत पशुपति आर्यघाट ल्याइएको थियो ।

धुलिखेलबाट इन्सपेक्टरको कमाण्डमा प्रहरी टोली, नेपाली सेनाका दुई जना प्रतिनिधि र स्वास्थ्य मन्त्रालयका एक प्रतिनिधि तथा परिवारका एक सदस्य आर्यघाट पुगेर दाहसंस्कार गरेका हुन् ।