कोरोना संक्रमितको संख्या पाँच हजार नाघ्यो, थप संक्रमितको संख्या अहिलेसम्मकै धेरै

काठमाडौं, जेठ ३०
नेपालमा कोरोना संक्रमितको संख्या पाँच हजार नाघेको छ । शुक्रबार थप ४ सय ४८ जनामा कोरोना संक्रमण पुष्टि भएको छ । जसमा २४ जना महिला छन् ।

योसंगै नेपालमा कोरोना संक्रमितको संख्या ५ हजार ६२ पुगेको छ । स्वास्थ्य मन्त्रालयका प्रवक्ता डा. जागेश्वर गौतमले नियमित पत्रकार सम्मेलनमा पछिल्लो तथ्यांक सार्वजनिक गरेका हुन् ।

हालसम्म कारोना जितेर घर फर्किनेको संख्या ८ सय ७७ पुगेको छ । जसमा ७ सय ८६ पुरुष र ९१ महिला छन् ।