आपसी विवादमा ढुंगाले हानेर साथीको हत्या




काठमाडौं, असार १६
आपसी विवादमा भक्तपुरमा एक व्यक्तिले ढुंगाले हानेर साथीको हत्या गरेका छन् । सिन्धुलीका इन्द्रबहादुर तामाङले विवादका क्रममा आक्रोशमा आएर ढुंगाले हानेर काभ्रेको पनौतीका अन्दाजी ४५ वर्षीय कृष्ण तामाङको हत्या गरेका हुन् ।

दिनभरि जडीबुटी बेच्ने र स्थानीय पाटीमा सुत्ने मृतक तामाङको शव सोमबार बिहान ९ बजे गस्हिटी टोलमा रहेको पाटीमा छोपिराखेको अवस्थामा भेटिएको महानगरीय प्रहरी परिसर भक्तपुरका डिएसपी दीपक गिरीले जानकारी दिए । 

उनकाअनुसार तामाङसँगै बस्ने सिन्धुलीको तीनपाटन गाउँपालिका–६ का तामाङले आपसमा विवाद हुँदा ढुंगाले हानेर हत्या गरेको स्वीकार गरेका छन् ।

इन्द्रबहादुर पनि दिनभरि गःहिटी टोलमा भारी बोक्ने र बेलुकी पाटीमै सुत्ने गर्दथे । मृतक तामाङलाई स्थानीयले झौखेलस्थित मानव सेवा आश्रममा पुर्‍याए पनि उनी त्यहाँबाट भागेर बाहिर आएका खुलेको प्रहरीले जनाएको छ । मृतक तामाङको टाउको, निधार र चिउँडोमा चोट लागेको छ ।

 

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2020 Deshko News