काठमाडौं उपत्यकामा संक्रमण बढ्दै, आज थपिए २८ संक्रमित



काठमाडौं, असार २३
काठमाडौं उपत्यका कोरोना भाइरसको उच्च जोखिममा परेको छ।संक्रमितको संख्या दिनप्रतिदिन बढ्दै गएपछि उपत्यका कोरोनाको उच्च जोखिममा परेको हो। मंगलबार मात्र थप २८ जनामा संक्रमण देखिएको छ। संक्रमितमध्ये काठमाडौंका १४, भक्तपुरका ४ र ललितपुरका १० जना रहेका छन्। सोमबार मात्रै ५४ जनामा कोरोना भाइस संक्रमण देखिएको थियो भने आइतबार ३० जनामा संक्रमण देखिएको थियो।

स्वास्थ्य तथा जनसंख्या मन्त्रालका प्रवक्ता डा. जागेश्वर गौतममन्त्रालयका अनुसार मंगलबार थप मुलुकभर २०४ जना नयाँ संक्रमित थपिएसँगै कोरोना संक्रमितको संख्या १६ हजार १६८ पुगेको छ। म

पछिल्लो समयमा अस्पतालमा उपचार गराइरहेका बिरामी र सेवामा खटिएका स्वास्थ्यकर्मीमा समेत कोरोना संक्रमण देखिन थालेको छ। संक्रमण देखिएपछि कतिपय अस्पतालले आकस्मिकबाहेका अन्य सेवा अनिश्चकालका लागि बन्द गरेका छन्।

सोमबार काठमाडौंको सहिद गंगालाल राष्ट्रिय हृदय केन्द्रमा उपचारत केही बिरामीमा कोरोना संक्रमण पुष्टि भएको छ।बिरामीमा कोरोना देखिएपछि अस्पतालले आकस्मिकबाहेक अन्य सेवा बन्द गरेको छ। यस्तै कोरोना संक्रमणमा उडानका कर्मचारी पनि परेका छन्। सोमबार मात्रै नेपाल वायुसेवा निगमका सातजना कर्मचारीमा कोरोना सङ्क्रमण पोजिटिभ देखिएको थियो।उनीहरु सबै कोरोनाका कारण विदेशमा अलपत्र परेका नेपालीको उद्दारमा खटिएका थिए।

स्वास्थ्य तथा जनसङ्ख्या मन्त्रालयका अनुसार बालबालिकामा पनि संक्रमणको दर बढ्दै गएको छ।केही दिनअघि त्रिभुवन विश्वविद्यालय शिक्षण अस्पतालमा उपचार गराइरहेका एकजना ४९ दिनका शिशुको मृत्यु भएको थियो।बालबालिकामा सङ्क्रमण बढ्दै गएपछि मन्त्रालय र चिकित्सकले सचेत रहन अभिभावकलाई आग्रह गरेका छन्।

न्त्रालयका अनुसार ७ हजार ४९९ जनाले कोरोना जितेर घर फर्किएका छन् भने कोरोनाकै कारण ३५ जनाको मृत्यु भइसकेको छ।

यस्तै हालसम्म २५ हजार ७२७ जना क्वारेन्टाइनमा छन् भने ८ हजार ६३४ जना आइसोलेसनमा छन्। गत २४ घन्टामा ६ हजार १३३ पीसीआर नमूना परीक्षण भएका छन्। मन्त्रालका प्रवक्ता डा. गौतमले उपत्यकामा कोरोना जोखिम बढ्दै गएको भन्दै सामाजिक दूरी कायम गर्न, नियमित मास्क लगाउन र कामबिना घर बाहिर ननिस्कन आग्रह गरेका छन्।

 

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2020 Deshko News