काठमाडौं, असार २६
आफूलाई ज्योतिषी बताउने अर्जुन क्षेत्री ठगी आरोपमा पक्राउ परेका छन् । अख्तियार दुरुपयोग अनुसन्धान आयोग, टंगालको सह–सचिव हुँ भन्दै ठगी गरेको अभियोगमा क्षेत्री पक्राउ परेका हुन् ।

विशेष सूचनाका आधारमा अख्तियार र महानगरीय अपराध अनुसन्धान महाशाखाको टोलीले उनलाई पक्राउ परेको हो । एक प्रहरी अधिकृतका अनुसार उनले विद्युत् प्राधिकरणले खरिद गरेका जग्गामा घोटाला भएको भन्दै चार करोड रुपयाँ माग गरेका थिए ।

बार्गेनिङ क्रममा ५० लाखमा लेनदेन सहमति भइसकेपछिको अवस्थामा क्षेत्री पक्राउ परेका हुन् । यसअघि उनी नेपालमा ठूलो भूकम्प जाँदैछ भनेर अफवाह फैलाएको आरोपमा पक्राउ परेका थिए ।

प्रकाशित मिति: २६ असार २०७७, शुक्रबार