काठमाडौं उपत्यकामा थपिए ७६७ जना संक्रमित
काठमाडौं, असाेज ४
काठमाडौं उपत्यकामा आइतबार ७ सय ६७ जना संक्रमित थपिएका छन्। थपिएकामध्ये काठमाडौंका मात्र ६ सय २ जना रहेका छन् ।
स्वास्थ्य तथा जनसंख्या मन्त्रालयका अनुसार काठमाडौंमा २ सय ३० महिला र ३ सय ७२ पुरुष, भक्तपुरमा ४१ महिला र ६० पुरुष तथा ललितपुरमा ३४ महिला र ३० पुरुषमा संक्रमण पुष्टि भएको छ।
पछिल्लो २४ घण्टायता देशभर भने १ हजार ३ सय २५ जना कोरोना संक्रमित थपिएका छन्। यससँगै कोरोना संक्रमितको संख्या ६४ हजार १ सय २२ पुगेको मन्त्रालयले जनाएको छ।
पछिल्लो २४ घण्टायता कोरोनाबाट १० जनाको मृत्यु भएको छ भने ९ सय ६६ जना निको भएका छन्।
प्रकाशित मिति: ४ आश्विन २०७७, आइतबार
