वनभोजका क्रममा छात्रामाथि यौन दुर्व्यहार, शिक्षक पक्राउ




धनगढी, फागुन १६
अछामको साँफेबगर नगरपालिकामा शनिबार वनभोज गएका बेला शिक्षकले छात्रामाथि यौन दुर्व्यहार गरेको आरोप लागेको छ ।

शनिबार जिल्लाको पर्यटकीय क्षेत्र नैनीमा वनभोज गएका बेला साँफेबगर नगरपालिकाको वडा नम्बर १३ बाब्लामा मा रहेको राष्ट्रिय माध्यमिक विद्यालयका शिक्षक देवेन्द्र बहादुर कुँवरले छात्रालाई यौन दुर्व्यवहार गरेको आरोप लागेको हो ।

यौन दुर्व्यवहारको आरोप लागेपछि शिक्षक कुँवरलाई प्रहरीले नियन्त्रणमा लिएर अनुसन्धान सुरु गरिएको जिल्ला प्रहरी कार्यालय अछामले जनाएको छ ।

छात्राका अभिभावकसँग र गाउँका अन्य व्यक्तिसँग पनि घटनाको बारेमा सोधपुछको भइरहेको प्रहरीले बताएको छ।

विद्यार्थीहरुले घटनाको निष्पक्ष छानविनको माग गर्दै विद्यालयमा तालाबन्दी समेत गरेका छन्।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News