कोरोना त्रास : कैलालीमा आंशिक निषेधाज्ञा जारी




धनगढी, चैत्र ११
भारतमा कोरोना संक्रमण तीब्र बनेपछि कैलालीमा सतर्कता अपनाइएको छ । जिल्ला प्रशासन कार्यालय कैलालीले बुधबारदेखि आंशिक निषेधाज्ञा जारी गरेको छ।

भारतमा कोरोनाको दोस्रो लहर फैलिरहेका बेला त्यहाँ रहेका नेपालीहरु स्वदेश फर्किन थालेपछि जोखिम बढेको भन्दै सतर्कता अपनाएको हो । प्रशासनले होलीलगायतका चाडपर्वमा पनि भिडभाड गर्न आग्रह गरेको छ । सूचना जारी गर्दै प्रशासनले अर्को व्यवस्था नभएसम्मका लागि कडाई गरेको छ ।

प्रमुख जिल्ला अधिकारी खगेन्द्र प्रसाद रिजालद्वारा हस्ताक्षरित आदेशमा होली लगायत कुनै मेला, पर्व, जात्राका अवसरमा महोत्सव, भीडभाड वा जुलुस गर्न नपाइने भनिएको छ। यस्तै, धार्मीक तथा सामाजिक स्थलहरुमा सामाजिक दूरी र जनस्वास्थ्यका मापदण्ड पालना गर्न भनिएको छ।

त्यसैगरी कोरोना संक्रमणको सम्भावनालाई मध्यनजर गरी सम्बन्धित निकायलाई क्वारेन्टिन तथा आइशोलेशन तयारी अवस्थामा राख्न भनिएको छ। सबै कार्यालय, शैक्षिक संस्थाहरुमा सामाजिक दुरी कायम गरी जनस्वास्थ्यका मापदण्ड पालना गर्न सूचनामार्फत अनुरोध गरिएको छ।

यस्तै बैठक, सेमिनार गोष्ठी भर्चुअल माध्यमबाट गर्ने, यदि अत्यावश्यक भएमा जनस्वास्थ्यमा मापदण्ड पालना गर्नुपर्ने भनिएको छ। यसैगरी सीमा नाकाबाट भित्रिनेहरुको स्वास्थ्य परीक्षण गर्ने, रात्रिकालिन समयमा सञ्चालन हुने होटेल, रेष्टुरेन्ट तथा बारहरुमा भिडभाड नगर्न समेत जिल्ला प्रशासन कार्यालय कैलालीले अनुरोध गरेको छ।

यी आदेशमा भएको व्यवस्थाको अवज्ञा गरेको पाइएमा संक्रामक रोग ऐन २०२० बमोजिम कारवाही गरिने पनि जारी समेत आदेशमा उल्लेख गरिएको छ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News