चेक बाउन्स मुद्दामा काभ्रेली गुण्डा नाइके सत्यमान लामा पक्राउ



बनेपा, असार ३१
जिल्ला प्रहरी कार्यालय काभ्रेले बैंकिङ कसुरको मुद्दामा काभ्रेका गुण्डा नाइके सत्यमान लामालाई पक्राउ गरेको छ । लामाले रकम नभएको चेक दिएर दर्जनौं व्यक्तिहरुलाई ठगी गर्दै आएका थिए ।

केपी शर्मा ओली प्रधानमन्त्री छँदा नविना लामालाई हातमा लिएर लामाले ठगी धन्दा चलाउँदै आएका थिए । लामाविरुद्ध सुरज सापकोटा र रामकुमार थापा क्षेत्रीले क्रमशः महानगरीय प्रहरी बृत्त कमलपोखरी र महानगरीय प्रहरी परिसर काठमाडौंमा चेक बाउन्समा उजुरी दिएका थिए ।

लामाले २०७७ साल माघ २० गते क्षेत्रीको नाममा काटेको ७० लाखको चेक बाउन्स भएको हो भने सापकोटाको नाममा काटेको २२ लाखको चेक पनि बाउन्स भएको छ । उनलाई नेपाल प्रहरीको केन्द्रीय अनुसन्धान ब्यूरो (सिआईबी) ले पनि खोजी गर्दै आएको थियो । लामा सिमाला लुटपाटको धन्दामा पनि सक्रिय रहँदै आएका थिए ।

उच्च अदालत पाटनले लामाविरुद्ध पक्राउपूर्जी जारी गरेपछि लामा फरार भएका थिए । काभ्रे प्रहरीले उनलाई काभ्रेको रोशी गाउँपालिका कटुन्जेबाट पक्राउ गरेको हो । लामालाई काभ्रे प्रहरीले काठमाडौं पठाएको छ । उनीविरुद्ध काठमाडौं प्रहरीले मुद्दा चलाउने बताइएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News