सत्ता गठबन्धनका शीर्ष नेताहरुको बैठक बस्दै, एमसीसीबारे ‘निर्णायक’ वार्ता हुने



काठमाडौं, फागुन ५
अमेरिकी सहयोग परियोजना (एमसीसी) बारे आज सत्ता गठबन्धन दलमा निर्णायक वार्ता हुँदै छ ।

प्रधानमन्त्रीको सरकारी निवास बालुवाटारमा दिउँसो ३ बजे गठबन्धनको बैठक बस्न लागेको हो । सत्ता गठबन्धनमा रहेका पाँच दलका शीर्ष नेताहरु एमसीसी बारे छलफल गर्न जुटेका हुन् ।

बुधबार प्रधानमन्त्री एवं नेपाली कांग्रेसका सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’बीच भएको छलफलपछि गठबन्धनको बैठक तय भएको हो ।

एमसीसी अनुमोदनका लागि बुधबार प्रतिनिधिसभामा टेबल गर्ने चर्चा थियो । तर, कार्यसूचीमै परेन । प्रधानमन्त्री देउवा जसरी पनि एमसीसी अघि बढाउने पक्षमा रहेको पछिल्ला गतिविधिले देखाएको छ ।

एमसीसी जसरी पनि टेबल गरेर पास गर्नुपर्ने तयारीमा जुटेका प्रधानमन्त्री देउवाले गठबन्धनमा रहेका दलहरुकै असहयोगपछि निर्णायक छलफल गर्न लागेका हुन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News