भिजिट भिसाको नाममा ‘मानव तस्करी’को जालो अझै तोडिएन



काठमाडौँ, फागुन २५
त्रिभुवन अन्तर्राष्ट्रिय विमानस्थल अध्यागमन कार्यालयले भिजिट भिसामा दुबई हिँडेका १२ जनालाई फिर्ता पठाएको छ। अध्यागमन कार्यालयले आवश्यक कागजपत्र पेस गर्न नसकेको र शंकास्पद लागेका ५ महिलासहित १२ जनालाई आज फिर्ता पठाएको हो।

अध्यागमन स्रोतका अनुसार फिर्ता हुनेहरुमा नुवाकोटकी पूजा श्रेष्ठ, काठमाडौंकी आस्था मल्ल, झापाकी कुशुम खड्का, मोरङकी प्रकृति भट्टराई, स्याङ्जाकी इलिना थापा, रोल्पाका बलबहादुर बुढा, संखुवासभाका नुर्बु शेर्पा, काभ्रेपलाञ्चोकका अनिल तामाङ, पर्साका सन्तोष कुमार कलवार, बाजुराका चेतबहादुर थापा, सप्तरीका मसलिम मन्सारी र दाङका अर्जुन नेपाली रहेका छन्।

सयौं नेपालीलाई दुवईमा अलपत्र पार्ने ‘मानव तस्कर’का अगाडि श्रममन्त्री श्रेष्ठ निरीह, पत्रकार सम्मेलनकै बेला कसरी आयो फोन ? अर्को पनि पढ्नैपर्ने
सयौं नेपालीलाई दुवईमा अलपत्र पार्ने ‘मानव तस्कर’का अगाडि श्रममन्त्री श्रेष्ठ निरीह, पत्रकार सम्मेलनकै बेला कसरी आयो फोन ?
पछिल्लो समय दलालहरुले भिजिट भिसाको रुपमा नेपाली युवा युवतीसँग लाखौं असुलेर दुबई पुर्याई अलपत्र पारेको घटना बढ्न थालेसँगै अध्यागमनले कडाई गर्दै आएको छ ।

यसअघि ‘मानव तस्कर’ कोमलराज उपाध्यायले सयौं नेपालीलाई रोजगारीको आश्वासन दिएर लाखौं रकम असुलेर दुबई पुर्याइ अलपत्र पारेका थिए । उक्त प्रकरणमा श्रममन्त्री किसान श्रेष्ठ समेत विवादमा तानिएका थिए । उपाध्याय त्रिनेत्र कन्सलटेन्सीका सञ्चालक हुन् । भिजिट भिषामा पुगेर विचलित भएपछि फर्किएका नेपाली युवाहरु त्यही त्रिनेत्र कन्सलटेन्सीमार्फत नै रोजगारीको आशमा दुवई पुगेका थिए ।

प्रतिक्रिया दिनुहोस्

 

           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News