काठमाडौं, जेठ ३१
जबर्जस्ती करणी गरेको अभियोगमा प्रहरीले चार जनालाई पक्राउ गरेको छ ।

बौद्धस्थित लुङता गेस्ट हाउसमा शनिबार युवतीलाई जबर्जस्ती करणी गरेको उजुरी परेपछि उनीहरुलाई पक्राउ गरिएको जिल्ला प्रहरी परिसर काठमाडौंले जनाएको छ ।

पक्राउ पर्नेमा २४ वर्षीय रितेश तामाङ, सिन्धुपाल्चोक मेलम्ची घर भई हाल काठमाडौं महानगर ६ बस्ने २२ वर्षीय रिन्जेन शेर्पा, सर्लाही बागमती नगरपालिका ४ घर भई काठमाडौं महानगर ६ बस्ने ३४ वर्षीय उत्तम लामा र होटल सञ्चालक ३४ वर्षीय झ्याम्पा ढिल्ले शेर्पा छन् ।

उनीहरुलाई ५ दिनको म्याद अनुमति लिई प्रहरी वृत्त बौद्धबाट थप अनुसन्धान भइरहेको प्रहरीले जनाएको छ।

प्रकाशित मिति: ३१ जेष्ठ २०७९, मंगलबार