नाकको प्वालमा लुकाएर लागुऔषध तस्करी, एक जना पक्राउ
काठमाडौं, वैशाख २९ । नाकको प्वालमा लागुऔषध लुकाएर तस्करी गर्ने एक जनालाई प्रहरीले पक्राउ गरेको छ । बुधबार बर्दियाको बढैयाताल–८ कण्ठपुरबाट गुलरिया नगरपालिका बस्ने बब्लु राढलाई प्रहरीले नियन्त्रणमा लिएको हो ।
प्रहरीले उनको साथबाट नाकको प्वालमा सेतो प्लास्टिकको पुडियामा राखिएको २८० ग्राम खैरो रङको ब्राउन सुगर जस्तो देखिने धुलो पदार्थ बरामद गरेको जनाएको छ ।
राढलाई बिहीबार बर्दिया जिल्ला अदालतमा पेस गरिएको र घटनाबारे थप अनुसन्धान भइरहेको सूचना अधिकारी प्रहरी नायव उपरीक्षक हिक्मतबहादुर बोहराले जानकारी दिए ।
प्रकाशित मिति: २९ बैशाख २०८०, शुक्रबार
