काठमाडौं, जेठ १ । नक्कली भुटानी शरणार्थी प्रकरणमा पक्राउ परेका टोपबहादुर रायमाझी प्रतिनिधि सभा सदस्य पदबाट निलम्बित भएका छन् ।

रायमाझी पक्राउ गरेको सूचना संसद् सचिवालयमा पुगेपछि रायमाझी सांसदबाट निलम्बनमा परेका हुन् । सोमबार बसेको प्रतिनिधि सभा बैठकमा सभामुख देवराज घिमिरेले रायमाझीलाई सांसद पदबाट निलम्बन गरिएको पत्र पढेर सुनाए ।

रायमाझीलाई प्रहरीले आइतबार राति बुढानीलकण्ठबाट पक्राउ गरेको थियो ।

प्रकाशित मिति: १ जेष्ठ २०८०, सोमबार