युवराज सफल बानेश्वरमा कुटिए, केही व्यक्ति पक्राउ
काठमाडौं, जेठ १३ । राष्ट्रिय स्वतन्त्र पार्टीका सभापति रवि लामिछानेविरुद्ध निरन्तर मुद्दा हालेर चर्चामा रहेका युवराज सफल कुटिएका छन् । उनीमाथि आज शनिबार एक समूहले बानेश्वरमा कुटपिट गरेको हो ।
नागरिकता सम्बन्धी विधेयकको विरुद्धमा बानेश्वरमा स्वतन्त्र नागरिक आन्दोलनले गरेको प्रदर्शनमा सहभागी भएका सफलमाथि कुटपिट भएको हो । उनीमाथि सोम शर्मा र विप्लव खड्का लगायतको समूहले कुटपिट गरेको जनाइएको छ ।
प्रहरी सँगसँगै भएकाले उनीमाथि धेरै कुटपिट नभएको बताइएको छ । प्रदर्शनका क्रममा केही प्रदर्शनकारीले सफललाई जिस्काएपछि तनावको स्थिति सृजना भएको प्रहरीले जनाएको छ ।
यसरी कुटपिट गर्न जाने खड्कालगायतका व्यक्तिहरुलाई प्रहरीले नियन्त्रणमा लिएको बताइएको छ ।
प्रकाशित मिति: १३ जेष्ठ २०८०, शनिबार
