सन्दीप लामिछानेको मुद्दाको आज अन्तिम सुनुवाई
काठमाडौं, जेठ १६ । क्रिकेटर सन्दीप लामिछानेविरुद्धको मुद्दाको अन्तिम सुनुवाई आज (मंगलबार) हुँदैछ । उनीविरुद्ध लागेको बलात्कार मुद्दा जिल्ला अदालत काठमाडौँका न्यायाधीश शंकरबहादुर राईको इजलासमा सुनुवाइ हुने भएको हो ।
इजलास नम्बर–१८ मा न्यायाधीश राईले सुनुवाइ गर्ने गरी पेशी तोकिएको छ । २०७९ पुस २८ मा लामिछानेलाई उच्च अदालत पाटनले २० लाख धरौटीमा सशर्त रिहा गरेको थियो ।
यसअघि काठमाडौँ जिल्ला अदालतले उनलाई पुर्पक्षका लागी थुनामा पठाउने आदेश गरेको थियो । असोज २० मा पक्राउ परेका सन्दीप नाबालिग बलात्कार आरोपमा प्रहरीले लामिछानेलाई असोज २० मा नियन्त्रणमा लिएको थियो ।
उनीविरुद्ध एक किशोरीले प्रहरी वृत्त गौशालामा २०७९ भदौ २१ मा बलात्कारको जाहेरी दिएकी थिइन् ।
प्रकाशित मिति: १६ जेष्ठ २०८०, मंगलबार
