काठमाडौं, असार १ । माछापुच्छ्रे बैंक लिमिटेडले ‘इन्फोसिस फाइनान्स इनोभेसन अवार्ड प्राप्त गरेको छ ।

बैंकले ग्राहकलाई प्रदान गर्ने डिजिटल सेवाको गुणस्तर र कारोबार संख्यामा उल्लेखनीय वृद्धि गर्दै डिजिटल बैंकिङ्गमा सफलता हासिल गरे यो अवार्ड हात पारेको हो ।

भारतको बैंग्लोरस्थित बहुराष्ट्रिय सूचना प्रविधि कम्पनी इन्फोसिस फाइनान्सले बैंकलाई यो अवार्ड प्रदान गरेको हो । विगत दुई वर्षमा बैंकले आफ्नो डिजिटल सेवालाई निरन्तर परिष्कृत गर्नुका साथै उक्त सेवालाई सुरक्षित बनाउन नवीनतम कदमहरू चालेको छ ।

इन्फोसिस फाइनान्सले हरेक वर्ष विभिन्न १० विधामा अवार्ड प्रदान गर्दै आइरहेको छ । यस वर्ष विश्वभरीबाट २०० भन्दा बढी कम्पनीहरु विभिन्न विधाहरुमा मनोनयनमा परेका थिए ।

माछापुच्छ्रे बैंकले हाल देशका ७ वटै प्रदेशमा १६५ शाखा, १२ एक्सटेन्सन काउन्टर, १३३ शाखारहित बैंकिङ्ग सेवा, २०३ एटिएम मार्फत १४ लाख भन्दा बढी ग्राहक महानुभावहरुलाई सेवा प्रदान गर्दै आइरहेको छ ।

प्रकाशित मिति: १ असार २०८०, शुक्रबार