काठमाडौं, असार ११ । गठबन्धनले कोशी प्रदेशका मुख्यमन्त्री हिक्मतकुमार कार्कीको विश्वासको मत लिने प्रस्ताव फेल गराउने निर्णय गरेको छ ।

मुख्यमन्त्री कार्कीले यही असार १४ गते विश्वासको मत लिने तयारी गरेका छन् । प्रदेश सभाको तेस्रो अधिवेशन आह्वान भएलगत्तै गठबन्धनको बैठक बसेर विश्वासको मतसम्बन्धी प्रस्ताव फेल गराउने निर्णय गरेको हो ।

गठबन्धनमा नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवादी पार्टी रहेका छन् ।

गठबन्धनभित्र कै दलको नेतृत्वमा नयाँ सरकार गठन गर्ने गठबन्धनको तयारी छ ।

प्रकाशित मिति: ११ असार २०८०, सोमबार