चिनियाँ खर्बपति ज्याक मा र प्रधानमन्त्री प्रचण्डबीच आज भेटवार्ता हुँदै

काठमाडौं, असार १३
मंगलबार नेपाल भ्रमणमा आइपुगेका चिनियाँ खर्बपति ज्याक माले आज प्रधानमन्त्री पुष्पकमल दाहाल प्रचण्डसँग भेटवार्ता गर्दै छन् ।

बंगलादेशको ढाका हुँदै विशेष विमानबाट मंगलबार दिउँसो काठमाडौं अवतरण गरेका उनले प्रधानमन्त्री प्रचण्डसँग आज बिहान ८ बजे भेटवार्ता गर्न लागेका हुन् ।

उनी ईकमर्श व्यापार प्रवर्द्धन गर्न नेपाल आएको बुझिएको छ । सोही विषयमा ज्याक मा प्रधानमन्त्री प्रचण्डसँग छलफल गर्नेछन् । उनी हिजो राती बत्तिसपुलतीस्थित द्वारिकाज होटलमा बसेका थिए ।

त्यस्तै ज्याक मा बुधबार चितवन जाने कार्यक्रम छ । ज्याक मा बिहीबार भने पाकिस्ताको लाहोर प्रस्थान गर्नेछन् ।