जिम्बाब्वेको राष्ट्रपतिमा मनाङ्गाग्वा दोस्रो कार्यकालका लागि निर्वाचित

एजेन्सी । जिम्बाब्वेको राष्ट्रपतिमा एमर्सन मनाङ्गाग्वा दोस्रो कार्यकालका लागि निर्वाचित भएका छन् ।

कुल मतको ५२.६ प्रतिशत मत प्राप्त गरेपछि उनी पाँच वर्षको दोस्रो कार्यकालका लागि पुनः निर्वाचित भएको जिम्बाब्वे निर्वाचन आयोग (जेडइसी) ले शनिवार घोषणा गरेको हो ।

जेडइसी अध्यक्ष प्रिसिला चिगुम्बाले अगस्ट २३—२४ को चुनावमा मनाङ्गाग्वाले अन्य १० जना राष्ट्रपतिका प्रतिद्वन्द्वीलाई पराजित गरेको जानकारी दिइन् ।

उनका अनुसार जानुपिएफ पार्टीका मनाङ्गाग्वा एमर्सन दम्बुड्जोले २३ लाख ५० हजार ७११ मत प्राप्त गरे । जुन राष्ट्रपतिमा खसेको वैध मतको आधा भन्दा बढी हो ।