धनगढी, असोज १ । कैलाली प्रहरीले बैंकिङ कसुर मुद्दाका फरार प्रतिबादीलाई पक्राउ गरेको छ ।

फैसला कार्यान्वयनको सिलसिलामा प्रहरीले फरार प्रतिबादी कैलालीको टीकापुर–२ का ४४ वर्षीय प्रेमबहादुर शाहीलाई पक्राउ गरेको हो ।

कैलाली जिल्ला अदालतको मिति २०७४।०९।१२ गतेको फैसलाले शाहीलाई ५ दिन कैद, रु. ३२ लाख ५० हजार जरिवाना र चेक अनादर मुद्दामा मिति
२०७५।०९।२९ गतेको फैसलाले रु. २ हजार जरिवाना तोको थियो ।

प्रहरीले शाहीलाई खोजतलास गर्ने क्रममा आइतबार राति उनकै घर ठेगानाबाट फेला पारी आवश्यक कारबाहीका लागि अदालत समक्ष पेश गरेको जनाएको छ ।

प्रकाशित मिति: १ आश्विन २०८०, सोमबार