बालेनविरुद्ध ७७ घण्टा उभिने अभियन्ता श्रेष्ठ


 


काठमाडौं, असोज २ । काठमाडौँ महानगरपालिकाका मेयर बालेन शाहविरुद्ध अभियन्ता इशान श्रेष्ठ आन्दोलनमा उत्रिएका छन् ।

‘ई’ नामले चिनिने उनले मेयर बालेन शाहको कार्यालय राष्ट्रिय सभागृह अगाडि ७७ घण्टासम्म उभिएर विरोध प्रदर्शन गर्ने घोषणा गरेका हुन् ।

उनी मंगलबार दिउँसो १ बजेदेखि राष्ट्रिय सभा गृहअगाडि उभिएका छन् । उनले यो आन्दोलन शुक्रबार ६ बजेसम्म जारी रहने बताएका छन् ।

चुनावको समयमा बालेनले प्रतिज्ञा गरे अनुसार सडक विक्रेताहरूका लागि वैकल्पिक व्यवस्था नगरी धरपकडको नीति लिएको भन्दै यस्तो आन्दोलन गर्नुपरेको बताएका छन् ।

फुटपाथ व्यापारीलाई वैकल्पिक व्यवस्थापन गर्नुपर्ने माग उनको माग छ ।

प्रकाशित मिति: २ आश्विन २०८०, मंगलबार

प्रतिक्रिया दिनुहोस्