हिँडेर इन्द्रजात्रा हेर्न गए राष्ट्रपति पौडेल
काठमाडौं, असोज ११ । राष्ट्रपति रामचन्द्र पौडेल इन्द्रजात्रा हेर्न जुद्ध सालिकबाट हिँडेर वसन्तपुर गएका छन् ।
वसन्तपुरमा इन्द्रजात्रा पर्व हेर्न राष्ट्रपति पौडेललगायतका उच्चपदस्थ व्यक्तिहरू हिँडेर गएका हुन् । राष्ट्रपतिले इन्द्रजात्रा हेर्ने चलन छ ।
राष्ट्रपतिसँगै उपराष्ट्रपति राम सहाय यादव, सभामुख देवराज घिमिरे, राष्ट्रियसभा अध्यक्ष गणेशप्रसाद तिमिल्सिना, उपप्रधान तथा गृहमन्त्री नारायणकाजी श्रेष्ठ, मन्त्रीहरु, काठमाडौँ महानगरपालिकाका मेयर बालेन शाहलगायत हिँडेर वसन्तपुर गएका हुन् ।
बिहीबार वर्षा र सहकालका देवता देवराज इन्द्रको पूजा–आराधना गरी इन्द्रजात्रा पर्व मनाइँदैछ ।
प्रकाशित मिति: ११ आश्विन २०८०, बिहिबार
