एकीकृत समाजवादीले शनिबारदेखि मेची महाकाली जागरण अभियान सुरू गर्दै
काठमाडौं, असोज ११ । एकीकृत समाजवादीले यही असोज १३ (शनिबार)देखि मेची महाकाली जागरण अभियान सुरु गर्दैछ ।
झापाको काँकडभिट्टाबाट सुरु हुने अभियान २७ असोजमा कञ्चनपुरमा पुगेर सकिनेछ । अभियानका क्रममा ठाउँठाउँमा साना ठूला सभा गर्ने र आफ्ना एजेण्डाहरु जनतालाई सुनाउने कार्यक्रम तय गरिएको छ ।
एकीकृत समाजवादीका महासचिव घनश्याम भूसालले समृद्धि र समाजवादको आजको कार्यक्रम के हुनसक्छ भनेर जनतालाई बताउने र सुझाव लिएर अझ स्प्रष्टताका साथ आउन पहलकदमी लिइने बताए ।
एकीकृत समाजबादीले आगामी माघ १४ देखि १८ गतेसम्म महाधिवेशन गर्ने तय गरेको छ ।
प्रकाशित मिति: ११ आश्विन २०८०, बिहिबार
