कटुवा पेस्तोलसहित एक भारतीय नागरिक पक्राउ
महोत्तरी, असोज ११ । महोत्तरी प्रहरीले कटुवा पेस्तोलसहित एक भारतीय नागरिक पक्राउ परेका छन् ।
जिल्लाको सोनमा गाउँपालिका–५ खयरबनी चोकबाट भारतको बिहारस्थित सितामढी जयनगर ग्रामपंचायत–११ बस्ने २४ वर्षीय बलबिन्द्र महतोलाई बुधबार बेलुकी कटुवा पेस्तोलसहित पक्राउ गरेको हो ।
महतोको साथबाट पेस्तोलसहित १ राउण्ड गोली, २ थान किला उक्काउने रड , १ थान पेचकस र एउटा मोटरसाइकल बरामद गरिएको प्रहरीले जनाएको छ ।
इलाका प्रहरी कार्यालय खैयरबनीबाट खटिएको गस्ती टोलीले भारतबाट नेपालतर्फ आउँदै गरेको बिआर ३० के ३४५९ नम्बरको मोटरसाइकललाई जाँच गर्ने क्रममा महतोलाई पक्राउ गरिएको हो ।
साथै बिआर ५५ ए २७२५ नम्बरको अर्का मोटरसाइकल चालक भने फरार रहेको र घटनाबारे आवश्यक अनुसन्धान भैरहेको प्रहरीले जनाएको छ ।
प्रकाशित मिति: ११ आश्विन २०८०, बिहिबार
