ठमेलबाट पाँच किलो चरेशसहित दुईजना पक्राउ

काठमाडौं, असोज १४ । काठमाडौंका ठमेल कालधाराबाट प्रहरीले चरेश सहित दुईजनालाई पक्राउ गरेको छ ।

प्रहरीले चरेशसहित धादिङको गल्छि घर भएका ३१ वर्षीय गोबिन्द्र तामाङ र २७ वर्षीय मुस्कान लामालाई पक्राउ गरेको हो ।

प्रहरी वृत्त लैनचौरबाट खटिएको टोलीले उनीहरूलाई शनिबार नियन्त्रणमा लिएको जनाएको छ ।

आरोपीतहरुको साथबाट पाँच किलो चरेश बरामद गरेको जिल्ला प्रहरी परिसर काठमाडौँका एसपी कुमोध ढुंगेलले जानकारी दिए ।

घटनाबारे प्रहरी वृत्त लैनचौरले अनुसन्धान गरिरहेको जनाएको छ ।