अध्यक्ष ओलीले गरे सहिद गोविन्द गौतमको शालिकमा माल्यार्पण
धनगढी, असोज २१ । नेकपा एमालेका अध्यक्ष केपी शर्माओलीले सहीद गोविन्द गौतमको शालिकमा माल्यार्पण गरेका छन् ।
नेकपा एमालेको सुदूरपश्चिम प्रदेशको प्रथम अधिवेशन उद्घाटन गर्न धनगढी पुगेका अध्यक्ष ओलीले कञ्चनपुरको पुनर्वास पुगेर सहीद गौतमको शालिकमा माल्यार्पण गरेका हुन् ।
२०७३ फागुन १३ गते कञ्चनपुरको पुनर्वास क्षेत्रमा भारतीय सीमा सुरक्षा बल एसएसबीको गोली लागेर गौतमको मृत्यु भएको थियो ।
अध्यक्ष ओलीले आज धनगढीमा एमाले प्रदेश अधिवेशनको उद्घाटन गर्ने कार्यक्रम छ ।
प्रकाशित मिति: २१ आश्विन २०८०, आइतबार
