होटलमा महिला मृत अवस्थामा फेला
रुकुमपश्चिम, असोज ३० । रुकुमपश्चिमको सदरमुकाम मुसीकोट खलङगाको एक होटलमा एक महिला मृत अवस्थामा फेला परेकी छन् ।
मुसीकोट नगरपालिका –१ मा रहेको होटेल सत्कारमा महिला मृत अवस्थामा भेटिएको प्रहरीले जनाएको छ ।
जिल्ला प्रहरी कार्यालय रुकुमपश्चिमका प्रहरी नायब उपरीक्षक नमराज भट्टराईका अनुसार होटलको कोठा १ मा अन्दाजी ३० वर्षीया महिलाको शव फेला परेको हो । मृतकको पहिचान खुल्न बाँकी छ ।
होटलको उक्त कोठा भने जिल्लाको त्रिवेणी गाउँपालिका ठेगाना भएका विकास केसीको नामबाट गत आइतबार बुक भएको छ । सिरकले शव छोपेको अवस्थामा महिलाको शव भेटिएको प्रहरीको भनाइ छ ।
सिरक उठाएर हेर्दा टाउकोमा कपडा बाँधिएको र शव रक्ताम्य अवस्थामा भेटिएको छ । घटनाबो थप अनुसन्धान भइरहेको प्रहरीले जनाएको छ ।
प्रकाशित मिति: ३० आश्विन २०८०, मंगलबार
