मुगुमा आमा छोरासहित चार जनाको घर भित्रै विभत्स हत्या

काठमाडौं, कार्तिक १० । मुगुमा आमा छोरासहित चार जनाको घर भित्रै विभत्स हत्या गरिएको छ ।
मा र तीन छोराछोरी सहित ४ जनाको विभत्स हत्या भएको छ ।

जिल्लाको छायानाथ रारा नगरपालिका ६ मन्दु गाँउमा आमा र तीन छोराछोरीसहित चार जनाको घर भित्रै विभत्स हत्या गरिएको भेट्रिएको हो ।

२८ वर्षीया श्रीदेवी बोहोरा र उनका ११ वर्षीय छोरा मनोज बोहोरा, ७ वर्षीया छोरी अप्सरा बोहोरा र १ वर्षीया छोरा रहर बोहोराको हत्या भएको जिल्ला प्रहरी कार्यालय मुगुले जनाएको छ ।

दशैको दिन सोही गाउँमा रहेको मातीघर पुगेर टिका लगाएर ८ गते बेलुका घर फर्किएका थिए । छिमेकीहरुका अनुसार ९ गते बिहानैदेखि घर बाहिर ताला लगाएको देखिएको थियो ।

छिमेकीले प्रहरीलाई खबर गरेपछि शुक्रबार बिहान प्रहरीले ढोका तोडेर हेर्दा भित्र चारै जनाको शब भेटिएको थियो ।

अहिलेसम्म हत्या भएको देखिए पनि कसले किन गर्यो भन्ने अनुसन्धान भैरहेको जिल्ला प्रहरी कार्यालय मुगुका प्रहरी नायव उपरीक्षक वीरेन्द्र थापाले जानकारी दिए ।

घटनाको अनुसन्धानका लागि प्रहरीले कुकुरसहित परिचालन गरेको जनाएको छ । घटनास्थलमा प्रहरीले पहरा दिइरहेको छ ।