झडपमा युवकको मृत्यु भएपछि तीन जना पक्राउ

दैलेख, कार्तिक ११ । दैलेखको भैरवी गाउँपालिका–४ सिलंगीमा झडपमा एक युवकको मृत्यु भएपछि प्रहरीले तीन जनालाई पक्राउ गरेको छ ।

बिहिबार बेलुका भएको झडपमा सुर्खेतको वीरेन्द्रनगर–२ का २० बर्षीय किशोर बुढा क्षेत्रीको मृत्यु भएपछि प्रहरीले घटनामा संलग्न भए्रको आरोपमा तीन जनालाई पक्राउ गरेको हो ।

घटना भएको २४ घण्टापछि हिजो (शुक्रबार्र) बेलुका तीन जनालाई पक्राउ गरिएको दैलेख प्रहरी प्रमुख प्रहरी नायव उपरीक्षक किशोर लम्सालले जानकारी दिए।

उनका अनुसार पक्राउ पर्नेमा भैरवी गाउँपालिका–४ का झपिन शाही, धर्मराज अधिकारी र मनिषा रिजाल छन्।

झडपमा घाइते भएका किशोरलाई थप उपचारका लागि कर्णाली प्रदेश अस्पताल लगिएकोमा हिजो बिहान साढे २ बजे उपचाका क्रममा मृत्यु भएको थियो।

प्रहरीका अनुसार झडपमा मृत्यु भएका किशोरका जेठान नाता पर्ने सुमन शाही पनि घाइते भएका थिए। उनलाई दुल्लु अस्पतालमा उपचारपछि डिस्चार्ज गरिएको छ।

नियन्त्रणमा लिईएका व्यक्तिहरूलाई हिरासतमा राखेर थप अनुसन्धान भइरहेको डिएसपी लम्सालले जानकारी दिए।