राष्ट्रिय सभाको चुनाव गर्ने आयोगको तयारी, सरकारसँग परामर्श
काठमाडौं, कार्तिक १५ । निर्वाचन आयोगले राष्ट्रिय सभाको चुनाव आगामी माघ १०, ११ वा १२ गते गर्ने गरि तयारी गरेको छ ।
प्रतिनिधि सभाको राज्य व्यवस्था तथा सुशासन समितिको बैठकमा प्रमुख निर्वाचन आयुक्त दिनेश थपलियाले निर्वाचनका लागि सरकारसंग परामर्श भइरहेको जानकारी दिएका हुन् ।
उनका अनुसार राष्ट्रिय सभामा आगामी फागुन २० गते रिक्त हुने १९ पदका लागि माघ १०, ११ वा १२ मा निर्वाचन गर्ने गरी तयारी अगाडि बढाइएको छ ।
राष्ट्रिय सभा सदस्यहरुको पद रिक्त हुने एक महिना अगाडि नै निर्वाचन गराउनुपर्ने संवैधानिक व्यवस्था छ ।
प्रकाशित मिति: १५ कार्तिक २०८०, बुधबार
