भूकम्पका घाइतेहरूलाई भेट्न अस्पताल पुगे प्रचण्ड

काठमाडौं, कार्तिक १८ । भूकम्प प्रभावित जिल्ला रूकुम पश्चिममा रहेका प्रधानमन्त्री पुष्पकमल दाहाल ‘प्रचण्ड’ले अस्पताल पुगेर घाइतेहरूलाई भेटेका छन् ।

शनिबार मध्याह्न रूकुमको सानीभेरी अस्पताल पुगेर प्रधानमन्त्री प्रचण्डले भूकम्पमा परी घाइते भएकाहरूलाई भेटेका हुन् ।

प्रधानमन्त्री प्रचण्डले घाइतेहरूको अवस्था र उनीहरूको उपचारका बारेमा अस्पतालसँग जानकारी लिएको उनका प्रेस सल्लाहकार गोविन्द आचार्यले जानकारी दिए।

यसअघि प्रचण्ड जाजरकोट जिल्ला अस्पताल पुगेर भूकम्पका घाइतेहरूको अवस्था बुझेका थिए।

जाजरकोट केन्द्रबिन्दु भई गएराति ११ः४७ बजे ६.४ रेक्टरको भूकम्पमा परी हालसम्म १३६ जनाको मृत्यु भएको छ ।