कर्णालीका सभामुख र उपसभामुख चढेको गाडी दुर्घटना

काठमाडौं, कार्तिक १८ । कर्णाली प्रदेशका सभामुख र उपसभामुख चढेको गाडी बागलुङमा दुर्घटना भएको छ ।

कर्णाली प्रदेशकी सभामुख नन्दा गुरुङ र उपसभामुख यसोधा न्यौपाने चढेको कर्णाली प्रदेश २–००–१ झ ००९३ नम्बरको स्कर्पियोसँग ग११प ८१५७ नम्बरको मोटरसाइकल ठोक्किएर दुर्घटनामा परेको हो ।

विपरित दिशाबाछ आइरहेको मोटरसाइकलमा ठोक्किएर गाडी दुर्घटना हुँदा मोटरसाइकल चालक घाइते भएको जिल्ला प्रहरी कार्यालय बागलुङका डीएसपी मदन केसीले जानकारी दिए ।

घाइते चालकको पोखरास्थित मणिपाल शिक्षण अस्पतालमा उपचार भइरहेको नेपाल प्रहरीले जनाएको छ ।

सभामुख र उपसभामुख सवार स्कर्पियो मध्यपहाडी लोकमार्ग हुँदै कर्णाली प्रदेशतर्फ गइरहेको थियो ।