तुइनबाट खसेर कर्णालीमा बेपत्ता भएका पुरुष मृत फेला
काठमाडौँ, कार्तिक २१ । हुम्लामा तुइन चढ्ने क्रममा कर्णाली नदीमा खसेर बेपत्ता भएका एक जना मृत फेला परेका छन् ।
जिल्लाको सर्केगार्ड गाउँपालिका–२ ल्याप्चेस्थित कर्णाली नदीमा सोही ठाउँस्थित कर्णाली करिडोरमा मजदुरी काम गर्ने मुगु सोरु गाउँपालिका–५ नेर घर भएका ३८ वर्षीय मकर सिंह नेपाली सोमबार मृत अवस्थामा फेला परेका हुन् ।
कर्णाली नदीमा बेपत्ता भएको भन्ने खबर प्राप्त हुनासाथ प्रहरी चौकी सर्केदेउबाट खटिएको प्रहरीले खोजी गर्ने क्रममा उनको शव फेला पारेको जनाएको छ ।
प्रकाशित मिति: २१ कार्तिक २०८०, मंगलबार
