कान्तिपुर मिडिया ग्रुपको गेटमा धर्नामा बसेका पत्रकारमाथि आक्रमण, एकजना घाइते
काठमाडौँ, कार्तिक २२ । कान्तिपुर मिडिया ग्रुपको कार्यालय अगाडी धर्नामा बसेका पत्रकारमाथि आक्रमण भएको छ ।
पत्रकारहरुलाई गैरकानुनी रुपमा निष्काशन गरेको विरुद्ध बुधबार नेपाल पत्रकार महासंघको नेतृत्वमा भएको आन्दोलनको कार्यक्रममा एक अपरिचित युवाले आक्रमण गरेका हुन् ।
नेपाल पत्रकार महासंघ एसोसिएट प्रदेश समितिका महासचिव रोयल आचार्यल कार्यक्रम सञ्चालन गरिरहेका बेला उनीमाथिथ ढुङ्गा प्रहार गरेका थिए । तर उक्त ढुङ्गा टिकाराम प्रधानलाई लागेर उनी घाइते भएका छन् ।
उनको एक स्थानीय क्लिनिकमा उपचार भएको छ । आक्रमण गर्ने युवालाई प्रहरीले नियन्त्रणमा लिएको छ ।
कान्तिपुर दैनिकले गैरकानुनी रुपमा पत्रकार निष्कासन तथा सरुवा गरेको विषयमा नेपाल पत्रकार महासंघले कान्तिपुर दैनिकको कार्यालय अगाडि आन्दोलनका कार्यक्रम गर्दै आएको छ ।
प्रकाशित मिति: २२ कार्तिक २०८०, बुधबार
