कैलाली प्रहरीको थुनामा रहेका व्यक्तिको मृत्यु


 


धनगढी, कार्तिक २३ । कैलाली प्रहरीको थुनामा रहेका एक युवकको मृत्यु भएको छ ।

थुनामा रहेका धनगढी उपमहानगरपालिक १६ बेहडाबाबाका ३१ वर्षीय कृष्ण सेट्टीको बिहीबार मृत्यु भएको हो ।

साेही ठाउँका ३८ वर्षीय लालबहादुर थापाको हत्या आरोपमा सेट्टीलाई प्रहरीले तीन दिनअघि पक्राउ गरेर थुनामा राखेको थियो ।

उनको उपचारका क्रममा अस्पतालमै मृत्यु भएको प्रहरीले जनाएको छ । मृतकका दाई गणेश सेट्टीले बयान लिने क्रममा हर्ट अट्याक भएर मृत्यु भएको भनेर खबर आएको बताएका छन् । उनका अनुसार उनलाई पक्राृ गरेर ल्याउन उनी स्वस्थ थिए ।

प्रकाशित मिति: २३ कार्तिक २०८०, बिहिबार

प्रतिक्रिया दिनुहोस्