काठमाडौं, कात्तिक ३० । सिन्धुली कारागारमा रहेका एक जना थुनुवाको मृत्यु भएको छ ।

जिल्लाको दुधौली नगरपालिका(१० का ३० वर्षीय विमल थापाको बुधबार राति कारागारमा मृत्यु भएको जिल्ला प्रहरी कार्यालय सिन्धुलीका प्रवक्ता डिएसपी चिरञ्जीवी दाहालले जानकारी दिए ।

कारागारमै तिहार मनाएर देउसी खेलिसेकपछि खाना खाएर सुतेका विमल बिहीबार बिहान ३ बजे बेहोस अवस्थामा भेटिएको डीएसपी दाहालले बताए ।

बेहोस अवस्थामा भेटिएपछि उनलाई सिन्धुली जिल्ला अस्पताला पुर्‍याइए पनि चिकित्सकले मृत घोषणा गरेको डीएसपी दाहालको भनाइ छ ।

विमलको मृत्युको कारण खुलेको छैन । उनको शव पोष्टमर्टमका लागि जिल्ला अस्पतालमै राखिएको छ ।

प्रहरीका अनुसार उनी सवारी ज्यान मुद्दामा गत असोज १७ गतेदेखि पूर्वपक्षका लागि थुनामा रहेका थिए ।

प्रकाशित मिति: ३० कार्तिक २०८०, बिहिबार