नेपाल क्लियरिङ हाउसले ३० प्रतिशत लाभांश दिने
काठमाडौं, मंसिर ४ । नेपाल क्लियरिङ हाउसले लगानीकर्तालाई लाभांश वितरण गर्ने भएको छ।
कम्पनीले गत आर्थिक वर्षको मुनाफाबाट लगानीकर्ताहरुलाई कूल ३० प्रतिशत लाभांश दिने निर्णय गरेको हो।
उक्त लाभांश मध्य कम्पनीले २८।५० प्रतिशतले हुन आउने २२ लाख ३२ हजार ६२१ कित्ता बोनस सेयर दिने भएको छ।
यस्तै, बोनस सेयरमा लाग्ने कर प्रयोजनका लागि कम्पनीले १।५० प्रतिशतले हुन आउने १ करोड १७ लाख ५० हजार बराबरको नगद लाभांशसमेत दिने भएको छ।
कम्पनीले उक्त लाभांश आगामी वार्षिक साधारणसभाबाट अनुमोदन भएपश्चात मात्र लगानीकर्ताहरुलाई वितरण गर्नेछ।
लाभांश वितरण सहित विभिन्न प्रस्तावहरु पारित गर्न कम्पनीले मंसिर १७ गते आइतबारका लागि साधारणसभा आह्वान गरेको छ।
सभामा कम्पनीले लाभांश वितरणको प्रस्तावलाई प्रमुख एजेण्डा बनाएको छ। यसका साथै अधिकृत पुँजी वृद्धि गरि २ अर्ब पुर्याउने, चुक्ता पुँजी वृद्धि गर्ने लगायतका प्रस्तावहरु पारित गर्ने कार्यतालिका रहेको छ।
कम्पनीले आर्थिक वर्ष २०७८र२०७९ मा लगानीकर्ताहरुलाई कूल ४० प्रतिशत लाभांश वितरण गरेको थियो ।
प्रकाशित मिति: ४ मंसिर २०८०, सोमबार
