आफैंले पढाइरहेकी छात्रासँग बहुविवाह गर्ने मौलना पक्राउ
नेपालगञ्ज । बाँकेको खजुरा गाउँपालिकास्थित एक मस्जिदमा अध्यापन गराउँदै आएका एक मौलाना बहुविवाह मुद्दामा पक्राउ परेका छन्।
प्रहरीले मस्जिदमा उर्दु र अरबी अध्यापन गराइरहेका मौलाना अतीक अहमद खालाई पक्राउ गरेको हो । मौलानाले आफ्नै नाबालक छात्रासँग बहुविवाह गरेका थिए ।
उनीविरुद्ध उनकै श्रीमती मन्तसा खातूनले बहुविवाह र बालविवाह सम्बन्धी कसूरमा जाहेरी दिएपछि इलाका प्रहरी कार्यालय धनौलीले उनलाई पक्राउ गरेको हो ।
३१ वर्षीय मौलानाको २ वटा बालबच्चा समेत छन् । तर उनले छात्रासँग समेत विवाह गरी एउटा बच्चासमेत जन्मिसकेको छ।
उनी एक वर्ष अघि आफ्नै १४ वर्षीय छात्रालाई लिएर भारत भागेका थिए।
उनीविरुद्ध उनकै श्रीमतीले बहुविवाह र बालविवाह सम्बन्धी कसूरमा उजुरी दिएपछि बाँके जिल्ला अदालतबाट ५ दिनको म्याद थप गरी अनुसन्धान प्रक्रिया अघि बढाइएको छ।
मौलाना खाँले खजुरा गाउँपालिका-८ चमकदारपुर स्थित रहेको बिलाली मस्जिदमा छात्र छात्रालाई उर्दु र अरबी अध्यापन गराउँदै आएका थिए।
प्रकाशित मिति: २४ श्रावण २०८१, बिहिबार
