बर्दियामा गैंडाको आक्रमणबाट एकजना गाइडको मृत्यु

काठमाडौं । बर्दियामा गैंडाको आक्रमणबाट एकजना गाइडको मृत्यु छ । साेही गैंडाको आक्रमणबाट एक अमेरिकी नागरिकसहित दुई जना घाइते समेत भएका छन् ।

जिल्ला प्रहरी कार्यालय बर्दियाका अनुसार बर्दिया राष्ट्रिय निकुञ्जको मध्यवर्ती इलाकामा पर्ने डल्ला सामुदायिक वनमा गैंडाको आक्रमणबाट शुक्रबार वरिष्ठ पथ प्रदर्शक ३६ वर्षीय मनमोहन चौधरीको मृत्यु भएको हो ।

बर्दिया राष्ट्रिय निकुञ्जका सूचना अधिकारी पुरुषोत्तम वाग्लेका अनुसार, निकुञ्ज र डिभिजन वनको सीमामा पर्ने क्षेत्रमा ‘जंगल वाक’मा गएका बेला शुक्रबार बिहान ८ देखि ९ बजेको बीचमा उक्त घटना भएको हो ।

घाइतेमध्ये विदेशी नागरिकको भुरीगाउँ नगर अस्पतालमा उपचार भइरहेको छ भने अर्का घाइतेको अवस्था सामान्य रहेको प्रहरीले जनाएको छ ।