२ जना मृतावस्थामा फेला

काठमाडौं । कास्की र रामेछाममा दुई जना मृतावस्थामा फेला परेका छन् । केन्द्रीय प्रहरी समाचार कक्षका अनुसार कास्कीको अन्नपूर्ण गाउँपालिका-८ मौरिया बस्ने ७५ वर्षीय धन प्रसाद कामी सोही गाउँपालिका-८ तमुस्थित बाङ्गे खोलामा मृत अवस्थामा फेला परेका छन् ।
यसैगरी रामेछापको खाँडादेवी गाउँपालिका-१ मझुवा बगरस्थित सुनकोशी नदीको किनारमा अन्दाजी ५० वर्षीय पुरूष मृत अवस्थामा फेला परेका छन् । उनको सनाखत भइसकेको छैन । दुबै घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
प्रकाशित मिति: २२ माघ २०८१, मंगलबार